Алғашқы турда таңғалдырған OLIMPBET QFL Қазақстан кубогы
Футболдан 32 клубтың қатысуымен OLIMPBET QFL Қазақстан кубогының кезекті маусымы басталды.
32-ші мәрте ұйымдастырылып жатқан ел кубогының бастапқы кезеңінде Бірінші және Екінші лиганың 19 клубы алғашқы топтық ойындарын өткізіп үлгерді.
Биылғы кубоктың басты ерекшеліктерінің бірі – «Алтай», «Ертіс» клубтары қайта құрылып, доп додасына араласуға мүмкіндік алды.
Бірінші турда қандай жайттар тіркелді?
- 2020 жылы қарыздарына байланысты жабылған «Ертіс» клубы араға 4 жыл салып, қайта жаңғырды. Павлодар облысының намысын қорғайтын команда ел кубогына қатысып қана қоймай, Бірінші лиганың мықты ұжымдарының бірі саналатын «Хан-Тәңірін» ұтып кетті.
- Былтыр ғана Премьер-лигамен қоштасқан «Оқжетпес» бірінші турда Екінші лиганың «АКАS» клубын жеңе алмады. Әзірше, А тобында қай клуб нақты фаворит екендігі белгісіз.
- Өткен маусымда Премьер-лига шығуға үмітті болған «Ақжайық» күтпеген жерден көш соңындағы «Оңтүстікке» 0:1 есебімен жол берсе, белгілі себептермен соңғы сәтте Премьер-лигада ойнаудан бас тартқан «Ақсу» өз алаңында Екінші лиганың чемпионы «Жетісайға» таза 0:3 есебімен ұтылды.
- Өз алаңында Премьер-лиганың мықтыларын састырған «Каспий» де «Жас Қыранға» 2:4 есебімен шамасы жетпеді.
OLIMPBET QFL Қазақстан кубогы
Бастапқы кезең (топтық кезең):
«А» тобы
1 тур – 11 наурыз
«Ертіс» - «Хан-Тәңірі» 1:0
«Оқжетпес» - «AKAS» 1:1
«В» тобы
1 тур - 11 наурыз
«Ақжайык» - «Оңтүстік» 0:1
«С» тобы
1 тур - 12 наурыз
«Тараз» - «Екібастұз» 2:1
«D» тобы
1 тур - 12 наурыз
«Каспий» - «Жас Қыран» 2:4
«E» тобы
1 тур - 13 наурыз
«SD Family» - «Ұлытау» 2:0
«F» тобы
1 тур - 13 наурыз
«Ақсу» - «Жетісай» 0:3
2 тур ойындары 14-16 наурыз күндеріне жоспарланған.
Айта кетейік, бастапқы кезеңнің топтық ойындары 19 наурызға дейін жалғасып, 1-орын алған клубтар плей-оффқа жолдама алады.
Кубоктағы тартысты кездесулердің қызықты сәттері QFL-дің YouTube-тағы арнасы мен Telegram парақшасында қолжетімді.
Бастапқы кезеңнің матчтары Шымкент қаласында «БИІК» спорт кешенінде өтіп жатыр. Ойындарды «Q Football» және «Q Arena» телеарналары және біздің сайтта тікелей эфирде тамашалай аласыздар.