Қазақстанның кәсіпқой футбол лигасы өткен айдың үздік бапкерін анықтау үшін Қазақстан OLIMPBET-Чемпионаты командаларының бапкерлері арасында сауалнама өткізді.

«Мақтаарал» футбол клубының бас бапкері Константин Горовенко әріптестерінің құрметіне ие болып, үздік атанды. Отандық клубтардың 14 маманының 11-і Горовенконы үздік деп атады. «Мақтаарал» Горовенконың жетекшілігімен қазан айында өткен бес турда бес рет жеңіске жетті. Осы жеңістер сериясының арқасында «Мақтаарал» чемпионатты турнир кестесінің 8 орынында аяқтады.

Сауалнамада екінші орында «Астананың» бас бапкері Григорий Бабаян иеленді. Бұл маманға екі әріптес өз дауыстарын берді.

Үшінші орында «Қайраттың» бас бапкері Кирилл Кекер тұрақтады.