ЖаңалықтарЕкінші лиганың қорытындысы
31 Қазан 2019, 18:38
31 қазан күні Екінші лига командалары арасында футболдан Қазақстан Республикасының 2019 жылғы маусымының 36-турының ойындары өтті.
Биыл жарысқа 17 команда қатысып, әрқайсысы 32 ойыннан өткізді.
Екінші лиганың жеңімпазы біріншіліктің аяқталуына үш тур қалғанда анықталды. Елордалық СДЮСШОР №8 турнирге алғаш рет қатысып, топ жарды. Олар 75 ұпай жинады. Доп айырмашылығы бойынша да ең жоғары көрсеткішке ие – «+46» (76-30).
Күміс жүлде турнирге алғаш рет қатысқан «Арыс» командасына бұйырды. Олардың қоржынында - 67 ұпай.
Қарағандылық «Шахтердың» жастары 64 ұпаймен үшінші орынды иеленді. Қарағандылық футболшылардың екінші жыл қатарынан Екінші лиганың қола жүлдесін жеңіп алды.
Екінші лиганың ең үздік сұрмергені атағы Арсен Елемесов (СДЮСШОР №8) пен Матвей Герасимов («Шахтер М») бөлісті. Олар біріншілікте 17 голдан соқты.
Наурыз айының үздік голын таңдаймыз!
